Petra Rahm og Tone Einelia viser utstillingen LY i tilknytning til Landslovsjubileet Gulatinget2024
Kunstnarane Tone Einelia og Petra Rahm etablerte i 2023 Finna stad – eit kunstnerisk rammeverk for å undersøkje det som skjer i møtet mellom kunst, stad og menneske. Gjennom året fram mot jubileumsfeiringa Gulatinget 2024, har dei jobba saman med ulike grupper i lokalsamfunna i Gulen., for å bli kjend med folk, stadar, kultur og lokal historie.
Jubileet Gulatinget 2024 har valgt som tema for jubileet; verdiar i lovverket: tillit, folkestyre, fred. Hva betyr desse omgrepa for oss i dag? Kven sine stemmer kjem fram i eit folkestyre? Korleis kan vi byggje tillit til kvarandre?
Kunstnarane har skapt forskjellige møtestader for samskaping, samtalar og utveksling av erfaringar, tankar og idéar – med ungdommar, eldre og lokale eldsjeler. I møta har ulike handverksteknikkar vore eit utgangspunkt for eksperimentering og utforsking. Handverk som keramikk, plantefarging og vev er blitt brukt av menneske i alle tider og i alle kulturar, og slik er dette noko som bind menneske saman over tid og stad.
I utstillinga LY blir det vist fram arbeid som tek utgangspunkt i desse samskapande prosessane Noko av arbeida er konkrete samarbeid, medan andre verk er blitt skapt i kunstnarane sine verkstadar. Dei er uansett direkte knytt til det kunstnarane har opplevd, sett og lært på sine turar i Gulen frå august 2023 til august 2024.
