Kva rolle kan kunsten spele i utviklinga av samfunnet rundt oss? Og kva skjer når kunstnarar ikkje berre blir inviterte inn for å «pynte opp», men for å påverke korleis eit sted blir forstått, brukt og utvikla?
I den nye boka Finna stad. Metode. Eksempel undersøker kunstnarane Tone Einelia og Petra Rahm korleis kunst kan fungere som ein reell kraft i stadutvikling og demokratiske prosessar. Gjennom personlege tekstar, konkrete prosjekt og refleksjonar frå arbeid i lokalsamfunn over heile Vestland, løfter boka fram møtet mellom kunst, menneske og stad – og spør kva slags samfunn vi eigentleg ønskjer å bygge.
Finna stad er ei bok som utfordrar etablerte tankesett rundt kunst, samfunn og utvikling. Korleis kan kunst bidra til reell medverknad? Kven blir stadar utvikla for? Og kva går tapt når økonomiske drivkrefter får definere verdien av ein stad åleine?
Boka er formgitt av Rune Døli. Utgivinga er delt i to delar: ein eksempeldel med konkrete prosjekt, og ein metodedel som reflekterer kring kunstens rolle i stadutvikling og som gir praktiske inngangar til korleis slikt arbeid kan gjennomførast. Boka kan bli lesen frå begge sider, og inviterer lesaren til sjølv å velje inngang til stoffet gjennom anten eksempla eller metoden.
Les meir om boka her: https://skald.no/bøker/
